Ahal welaýatynyň Tejen etrabynyň Dikeldiş merkeziniň kitaphanasynda Türkmenistanyň Magtymguly adyndaky Ýaşlar guramasynyň etrap Geňeşiniň, etrabyň beýleki jemgyýetçilik guramalarynyň we etrap hassahanasynyň bilelikde guramagynda «tegelek stoluň» başyndaky söhbetdeşlik guraldy.
«Pähim-paýhas ummany Magtymguly Pyragy» ýyly mynasybetli geçirilen söhbetdeşlikde hormatly Prezidentimiz Serdar Berdimuhamedowyň öňdengörüjilikli baştutanlygynda dünýä edebiýatynda öçmejek yz galdyran, şygryýet äleminiň ägirdi Magtymguly Pyragynyň baý edebi mirasyny içgin öwrenmekde, şahyryň umumadamzat bähbitli gymmatyny dünýä ýaýmakda we dabaralandyrmakda edilýän bimöçber tagallalar hakda gürrüň edildi. Çykyş edenler akyldar şahyr Magtymguly Pyragynyň eserleriniň ýaş nesilleri watançylyk, arassa ahlaklylyk ruhunda terbiýeläp ýetişdirmekde uly ähmiýetiniň bardygy dogrusynda aýratyn belläp geçdiler hem-de beýik söz ussadynyň edebi mirasyny dünýä ýaýmak babatdaky taýsyz tagallalary edýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini aýtdylar.
Aýnagözel ANNAMYRADOWA,
TMÝG-niň Ahal welaýatynyň Tejen etrap Geňeşiniň
sanly ulgam boýunça esasy hünärmeni.
