Ýakynda şeýle at bilen Tejen etrap häkimliginiň mejlisler zalynda Türkmenistanyň Magtymguly adyndaky Ýaşlar guramasynyň etrap Geňeşiniň, Türkmenistanyň Zenanlar birleşiginiň etrap bölüminiň bilelikde guramagynda zenanlaryň arasynda wagyz-nesihat, öwüt-ündew duşuşygy geçirildi. Maşgala jebisligini we agzybirligini berkitmek, maşgala gymmatlygyny wagyz-nesihat etmek maksady bilen geçirilen duşuşyga etrabyň edara-kärhanalarynda zähmet çekýän gelin-gyzlar, Zenanlar birleşiginiň işjeň agzalary, mährem eneler gatnaşdylar.
Duşuşykda maşgala gymmatlygy, agzybirlik, mähriban öý-ojaga hormat-sarpa dogrusynda aýratyn durlup geçirildi, ösüp gelýän nesli ýokary watansöýüjilik, päk ahlaklylyk ruhunda terbiýelemek meselesine uly ähmiýet berildi, ýaş gelin-gyzlara ata-babalarymyzyň wesýet eden ruhy-ahlak we maşgala gymmatlyklaryna hormat goýmak bilen baglanyşykly öwüt-ündewler aýdyldy.
Işjeňlikde geçen duşuşyga gatnaşanlar milli gymmatlyklarymyza aýratyn sarpa goýýan Arkadagly Gahryman Serdarymyzyň we Gahryman Arkadagymyzyň adyna alkyş sözlerini aýtdylar.
Aýnagözel ANNAMYRADOWA,
TMÝG-niň Ahal welaýatynyň Tejen etrap Geňeşiniň
sanly ulgam boýunça esasy hünärmeni.
