Ýakynda Türkmenistanyň Magtymguly adyndaky Ýaşlar guramasynyň Ahal welaýat Geňeşiniň hem-de Ahal welaýatynyň bedenterbiýe we sport baradaky Baş müdirliginiň bilelikde guramagynda Arkadag şäheriniň köpugurly sport toplumynda 2006-2007-nji ýyllarda doglan oglanlaryň arasynda sportuň boks görnüşi boýunça Ahal welaýatynyň birinjiligi geçirildi.
Agram derejeleriniň 13-si boýunça geçirilen welaýatyň birinjiligine welaýatyň dürli ýerlerinden türgenler gatnaşyp, sport ussatlygyny görkezdiler. Uly gyzyklanma eýe bolan birinjilikde 48 kilogram agramda B.Beşimow, 51 kilogram agramda A.Garaýew, 54 kilogram agramda U.Amanmyradow, 57 kilogram agramda H.Allaberdiýew, 60 kilogram agramda E.Seýtiýew, 63,5 kilogram agramda E.Şanazarow, 67 kilogram agramda E.Parahadow, 71 kilogram agramda D.Kakajanow, 75 kilogram agramda B.Omarow, 80 kilogram agramda A.Bäşimow, 86 kilogram agramda G.Täçmyradow, 92 kilogram agramda Ş.Gylyjow, 92 kilogram agramdan ýokary agram derejesinde bolsa N.Mämmedow dagy ýeňiji boldy.
Ýeňijilere Türkmenistanyň Magtymguly adyndaky Ýaşlar guramasynyň Ahal welaýat Geňeşiniň sowgatlary gowşuryldy.
Mähri GURDOWA,
TMÝG-niň Ahal welaýat Geňeşiniň baş hünärmeni.
