Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşi etrabyň çagalar sungat mekdebinde Daşky gurşawy goramagyň bütindünýä güni mynasybetli, “Türkmen sährasynyň aldyr gülleri” atly surat bäsleşigini geçirdi. Onda etrabyň çagalar sungat mekdebinde bilim alýan çagalar bäsleşdiler. Bäsleşijiler öz çeken suratlarynda tebigatymyzyň gözel künjeklerini, Arkadagly Gahryman Serdarymyzyň parasatly baştutanlygynda daşky gurşawy we ekologiýany goramakda alnyp barylýan döwletli tutumlary giňden wasp etmekde öz ukyp-başarnyklaryny açyp görkezdiler. Bäsleşigiň ýeňijilerine onuň guramaçy guramasy tarapyndan ýadygärlik sowgatlar gowşuryldy.
Öwezmyrat TEKÄÝEW,
TMÝG-niň Daşoguz welaýatynyň
Şabat etrap Geňeşiniň esasy hünärmeni.
