Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşi, etrabyň “Dostluk” seýilgähinde ýaş nesillerimize ýol-hereketiniň düzgünlerini öwretmek maksady bilen, etrabyň orta mekdepleriniň okuwçylarynyň arasynda “Ýol hereketiniň howpsuzlygy – ömrümiziň rahatlygy” atly bäsleşik geçirdi. Bäsleşigiň düzgünleri ýol hereketiniň düzgünlerini bilmek we dogry ýerine ýetirmek, ýol belgileri babatdaky sorag-jogaplar, ýumuşlary ýerine ýetirmek ýaly şertlerden ybarat boldy. Bu bäsleşik özüniň ýatda galyjylygy bilen tapawutlandy. Bäsleşikde üstünlikli çykyş eden okuwçylar Ýaşlar guramasynyň ýerli Geňeşiniň Hormat hatlary we ýadygärlik sowgatlary bilen sylaglandy.
Soltanmyrat ALLABERENOW,
TMÝG-niň Daşoguz welaýatynyň
Şabat etrap Geňeşiniň bölüm müdiri.
