Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşi, Daşoguz welaýatyndaky “Bagtyýar nesil” çagalar sagaldyş we dynç alyş merkezinde dynç alýan çagalaryň arasynda “Pyragynyň şygyrlary – akylyň dürdäneleri” atly şygar astynda goşgy aýtmak bäsleşigini geçirdi. “Pähim-paýhas ummany Magtymguly Pyragy” ýylyny dabaralandyrmak, çagalaryň wagtlaryny mazmunly geçirmeklerini gazanmak maksadynda guralan bäsleşikde okuwçylar öz ukyp-başarnyklaryny görkezdiler.
Bäsleşikde Akdepe etrabynyň 39-njy orta mekdebiniň 7-nji synp okuwçysy Amangeldi Nuryýew 1-nji orna, Köneürgenç etrabynyň 59-njy orta mekdebiniň 4-nji synp okuwçysy Aýdogdy Babaýew 2-nji orna, Boldumsaz etrabynyň 4-nji orta mekdebiniň 5-nji synp okuwçysy Jeýhun Jumamyradow 3-nji orna mynasyp boldy. Bäsleşigiň ýeňijilerine onuň guramaçy guramasy tarapyndan ýadygärlik sowgatlar gowşuryldy.
Kamolbek SOBIROW,
TMÝG-niň Daşoguz welaýatynyň
Görogly etrap Geňeşiniň esasy hünärmeni.
