Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşi welaýatymyzdaky “Bagtyýar nesil” çagalar tomusky dynç alşynyň täsirli we gyzykly bolmagyny gazanmak maksady bilen, «Milli medeniýetim, şanly taryhym – buýsanjym» şygary astynda Daşoguz welaýatynyň Taryhy we ülkäni öwreniş muzeýine gezelenç çäresini gurady. Gezelençde ýaş nesiller halkymyzyň ruhy-medeni gymmatlyklary, ata-babalarymyzyň bize goýan ylmy-edebi miraslary, geçmişde yz goýan beýik şahsyýetlerimiz, şöhratly taryhymyz, milli däp-dessurlarymyz we mirasymyz bilen bagly eksponatlar, fotosuratlar, maglumatlar, ýazgylar, arheologiki tapyndylar bilen giňişleýin tanyşdylar. Nesilden-nesle geçip gelýän milli kesp-kär, sungat eserleri, maddy we medeni gymmatlyklarymyz oňa gatnaşanlarda unudulmajak täsirleri galdyrdy.
Öwezmyrat TEKÄÝEW,
TMÝG-niň Daşoguz welaýatynyň
Şabat etrap Geňeşiniň esasy hünärmeni.
