Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Boldumsaz etrap Geňeşi “Bagtyýar nesil” çagalar sagaldyş we dynç alyş merkezinde dynç alýan çagalaryň arasynda “Sport – sagdynlyk” ady bilen, sportuň futzal görnüşi boýunça ýaryş geçirdi. Onda “Bürgüt” hem-de “Guwanç” toparlary özara bäsleşdiler. Ýaryşyň netijeleri boýunça, “Bürgüt” topary ýeňiji diýlip, yglan edildi. Ýeňiji topara hem-de bäsleşige işjeň gatnaşanlara Ýaşlar guramasynyň ýerli Geňeşiniň ýadygärlik sowgatlary gowşuryldy.
Çary KAKABAÝEW,
TMÝG-niň Daşoguz welaýatynyň
Boldumsaz etrap Geňeşiniň başlygy.
