Türkmenistanyň Magtymguly adyndaky Ýaşlar guramasynyň Balkan welaýatynyň Bereket etrap Geňeşi bilen etrap jemgyýetçilik guramalarynyň bilelikde guramagynda Balkan welaýatynyň Bereket etrabynyň 15-nji orta mekdebinde okuwçylaryň arasynda wagyz-nesihat duşuşygy geçirildi.
Onuň dowamynda çykyş edenler hormatly Prezidentimiziň her bir tutumly işleriniň türkmen halkynyň geljegi bolan ýaşlar baradaky aladalara ýugrulandygy, sagdyn durmuş ýörelgelerini wagyz etmekde, ýaşlaryň ýaramaz nogsanlyklara baş goşmazlyklaryny gazanmakda, olary ahlak taýdan arassa, ählitaraplaýyn kämil nesiller edip terbiýeläp ýetişdirmekde alnyp barylýan işler dogrusynda giňişleýin belläp geçdiler.
Wagyz-nesihat duşuşygynyň ahyrynda oňa gatnaşanlar, täze taryhy zamanada asuda, abadan, parahat durmuşda ýaşadýan türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyza we hormatly Prezidentimiz Arkadagly Gahryman Serdarymyza çäksiz alkyş sözlerini beýan etdiler.
Kuwwat TUWAKGYLYJOW,
Türkmenistanyň Magtymguly adyndaky Ýaşlar guramasynyň
Balkan welaýatynyň Bereket etrap Geňeşiniň baş hünärmeni.
