Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşiniň hem-de «Türkmen owazy» teleradioýaýlymynyň bilelikde gurnamagynda «Köňül owazy» atly aýdym-sazly gepleşiginiň nobatdaky täze sany ýazgy edildi.
Bu gepleşik Arkadag şäheriniň Şükür bagşy adyndaky sazçylyk mekdebiniň mugallymy, 2023-nji ýylda Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň ýeňijisi Bäşim Ýolamanowyň gatnaşmagynda ýazgy edildi.
Onuň dowamynda aýdymçy tarapyndan «Buýsanýarys», «Ili gözlär», «Güllerine», «Geýme garany», «Mylaýym», «Selbinýaz» atly aýdymlary, bu gezekki gepleşige aýratyn öwüşgin çaýdy. Ýazgynyň ahyrynda Watanymyzyň ösüşlerini wasp edýän aýdym ýerine ýetirilip, ýaş aýdymçy bilen gyzykly söhbetler edildi.
Aýdym-sazly gepleşigiň ahyrynda, oňa gatnaşanlar ýaşlara okamaga, öwrenmäge, döretmäge, medeniýetimizi we sungatymyzy gülledip ösdürmäge, ony dünýä ýaýmaga giň mümkinçilikleri döredip berýän türkmen halkynyň Milli Lideri Gahryman Arkadagymyza we hormatly Prezidentimiz Arkadagly Gahryman Serdarymyza çäksiz alkyş sözlerini beýan etdiler.
Nurmuhammet DÖWLETOW,
Türkmenistanyň Magtymguly adyndaky Ýaşlar guramasynyň
Aşgabat şäheriniň Köpetdag etrap Geňeşiniň başlygy.
