Türkmenistanyň Magtymguly adyndaky Ýaşlar guramasynyň Merkezi Geňeşiniň hem-de Bilim ministrliginiň bilelikde guramagynda ýurdumyzyň umumybilim berýän orta mekdepleriniň 3 – 5-nji synp okuwçy oglanlarynyň arasynda yglan edilen «Merdana nesil – 2025» atly şadyýan bäsleşiginiň Mary welaýatynyň Mary etrap tapgyry geçirildi. Mary etrabynyň ýöriteleşdirilen 38-nji orta mekdebinde geçirilen bäsleşige etrabyň umumybilim berýän orta mekdepleriniň okuwçylary uly ruhubelentlik bilen gatnaşdylar.
Bäsleşikde öz ukyp başarnyklaryny görkezip aýratyn tapawutlanan çagalar welaýat derejesine gatnaşmaga hukuk gazandylar. Bu bäsleşikde I orna Mary welaýatynyň Mary etrabynyň 24-nji orta mekdebiniň 4-nji synp okuwçysy Sahytberdiýew Dawut, II orna Mary welaýatynyň Mary etrabynyň 8-nji orta mekdebiniň 5-nji synp okuwçysy Atajanow Ylham, III orna Mary welaýatynyň Mary etrabynyň 39-njy orta mekdebiniň 4-nji synp okuwçysy Döwranow Polat mynasyp boldular.
Şadyýan bäsleşiginiň ýeňijilerine Türkmenistanyň Magtymguly adyndaky Ýaşlar guramasynyň Mary welaýatynyň Mary etrap Geňeşi tarapyndan Hormat hatlary hem-de sowgatlar gowşuryldy.
Bäsleşigiň ahyrynda oňa gatnaşanlar, ýaş nesiller üçin taýsyz tagallalary edýän türkmen halkynyň Milli Lideri Gahryman Arkadagymyza we hormatly Prezidentimiz Arkadagly Gahryman Serdarymyza çäksiz alkyş sözlerini aýtdylar.
Yklymmyrat TUWAKMYRADOW,
Türkmenistanyň Magtymguly adyndaky Ýaşlar guramasynyň
Mary welaýatynyň Mary etrap Geňeşiniň başlygy,
Mary welaýat halk maslahatynyň agzasy.
