Ýakynda Türkmenistanyň Magtymguly adyndaky Ýaşlar guramasynyň Mary welaýatynyň Baýramaly etrap Geňeşiniň hem-de etrap bilim bölüminiň bilelikde guramagynda etrabyň 15-nji orta mekdebinde bilim alýan okuwçylaryň arasynda «Hormatly Prezidentimiziň täze kitaby – ýaşlar üçin gymmatly gollanma» atly wagyz-nesihat duşuşygy geçirildi.
Duşuşykda çykyş edenler Arkadagly Gahryman Serdarymyzyň «Magtymguly – dünýäniň akyldary» atly ajaýyp kitabynyň many-mazmuny, ondaky beýan edilen maglumatlar, ýerleşdirilen suratlar hakynda giňişleýin gürrüň edip, kitabyň ýaşlar üçin gymmatly gollanma bolup durýandygy dogrusynda aýratyn bellediler.
Çäräniň ahyrynda oňa gatnaşanlar Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, il-ýurt bähbitli işleriniň hemişe rowaçlyklara beslenmegini arzuw etdiler.
Aýgül DODYÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Baýramaly etrap Geňeşiniň baş hünärmeni.
