Ýakynda Türkmenistanyň Magtymguly adyndaky Ýaşlar guramasynyň Mary welaýat we Wekilbazar etrap Geňeşleriniň, etrap bilim bölüminiň bilelikde guramagynda ýokary synp okuwçy gyzlarynyň arasynda ene-mamalaryň milli ýörelgelerini, halal zähmet terbiýesini, hünär ussatlygyny ýaşlaryň arasynda wagyz etmek maksady bilen, etrabyň 36-njy orta mekdebinde «Zenan zeminiň zynaty» atly wagyz-nesihat duşuşygy geçirildi.
Wagyz-nesihat duşuşygynda Türkmenistanyň Magtymguly adyndaky Ýaşlar guramasynyň Mary welaýatynyň Wekilbazar etrap Geňeşiniň sanly ulgam boýunça esasy hünärmeni Hajar Garryýewa, etrabyň 36-njy orta mekdebiniň müdiri Maýsa Bekmyradowa dagylar çykyş etdiler. Çykyş edenler zenan sarpasy, gyz edebi, zähmet terbiýesi, arassa ahlaklylyk hakynda gürrüň etdiler.
Wagyz-nesihat çäresiniň soňunda Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, başlarynyň dik bolmagyny, il-ýurt bähbitli işleriniň elmydama rowaçlyklara beslenmegini arzuw etdiler.
Güljan ŞABASANOWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Wekilbazar etrap Geňeşiniň baş hünärmeni.
