Golaýda Türkmenistanyň Magtymguly adyndaky Ýaşlar guramasynyň Mary welaýatynyň Baýramaly şäher we etrap Geňeşleriniň, şäher we etrap häkimlikleri, bilim bölümleri bilen bilelikde guramagynda Çagalary goramagyň halkara güni mynasybetli Baýramaly şäher Medeniýet bölüminiň tomaşaçylar zalynda körpe nesilleriň gatnaşmagynda aýdym-sazly baýramçylyk dabarasy geçirildi.
Çäräniň dowamynda Baýramaly şäheriniň we Baýramaly, Türkmengala etraplarynyň çagalar sungat mekdepleriniň okuwçylary we çagalar baglarynyň körpeleri tarapyndan ýerine ýetirilen eziz Diýarymyz we bagtyýar çagalyk hakyndaky ajaýyp aýdymlar, joşgunly tanslar hemmelere ruhy lezzet paýlady.
Şatlyk-şowhuna beslenen baýramçylyk dabarasynyň ahyrynda oňa gatnaşanlar körpe nesilleriň asuda, abadan durmuşda ýaşamagy giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Baýramgeldi GAÝYPOW,
Türkmenistanyň Magtymguly adyndaky
Ýaşlar guramasynyň Mary welaýatynyň
Baýramaly şäher Geňeşiniň Guramaçylyk
bölüminiň müdiri.
