Türkmenistanyň Magtymguly adyndaky Ýaşlar guramasynyň Ahal welaýatynyň Kaka etrap Geňeşiniň jemgyýetçilik guramalary bilen bilelikde guramagynda «Gyz edebi maşgala tuwagy» ady bilen etrabynyň Poçda aragatnaşyk merkezinde zähmet çekýän ýaşlarmyzyň gatnaşmagynda wagyz-nesihat çäresi geçirildi. Wagyz-nesihat çäresinde çykyş edenler bagtdan paýly gyz-gelinlerimize, mährem enelerimize mahsus häsiýetleri we gyz edebi dogrusynda giňişleýin gürrüň etdiler. Geçirilen çärede, ajaýyp zamanamyzda ýaşaýan gelin-gyzlarymyzyň türkmeniň şeýle däp-dessurlaryna eýerip, milliligimizi, ahlaklylygymyzy, edep-ekramlylygymyzy goramakda yzygiderlilikde işler alnyp barylýandygy dogrusynda buýsanç bilen belläp geçdiler. Ene-atanyň ilkinji borjy gyzlaryna edep-terbiýe bermek, soňra bolsa hünär öwretmek bolupdyr. Ata-babalarymyzdan gelýän ýörelgä görä enesiniň terbiýesini alan gyz asylly we edepli bolup ýetişipdir. Çäräniň dowamynda gelin-gyzlara maşgala mukaddesligi, ýagşy gylyk-häsiýetler hakda öwüt-ündewler berildi. Duşuşyga gatnaşanlar hormatly Prezidentimiziň adyna hoşallyk sözlerini aýtdylar. Goý, Gahryman Arkadagymyzyň, Arkadagly Serdarymyzyň janlary sag, ömürleri uzak bolsun!
Begli MÄMMEDOW,
Türkmenistanyň Magtymguly adyndaky
Ýaşlar guramasynyň Ahal welaýatynyň
Kaka etrap Geňeşiniň guramaçylyk bölüm müdiri.
