Berkarar döwletiň täze eýýamynyň Galkynyşy döwründe ösüp gelýän ýaş nesliň sagdyn bedenli bolmagyny gazanmak, olarda sporta, aýratyn-da, milli oýunlara bolan höwesi döretmek we ösdürmek maksady bilen Kaka etrabyndaky çagalar baglarynda terbiýelenýän körpeleriň arasynda gyzykly sport ýaryşlary yzygiderli guralyp durulýar. Ýakynda şeýle çäreleriň birini etrabyň 4-nji çagalar bagynda Türkmenistanyň Magtymguly adyndaky Ýaşlar guramasynyň Kaka etrap Geňeşi, etrap bilim bölümi bilen bilelikde gurady. Sport ýaryşyna çagalar baglaryndan körpeler gatnaşdy. Onda sportuň birnaçe görnüşleri boýunça özara bäsleşdiler. Gyzykly geçen ýaryşda etrapdaky 4-nji çagalar bagynyň «Miweli» topary birinji orna, 9-njy çagalar bagynyň «Aýlar» topary ikinji orna, 3-nji çagalar bagynyň «Güneş» topary bolsa üçünji orna mynasyp boldular. Bäsleşige gatnaşan körpelere Türkmenistanyň Magtymguly adyndaky Ýaşlar guramasynyň Kaka etrap Geňeşi tarapyndan ýadygärlik sowgatlar gowşuryldy.
Begli MÄMMEDOW,
TMÝG-niň Ahal welaýatynyň Kaka etrap
Geňeşiniň Guramaçylyk bölüminiň müdiri.
