Ýakynda Türkmenistanyň Magtymguly adyndaky Ýaşlar guramasynyň Balkanabat şäher Geňeşi tarapyndan Balkanabat şäheriniň Hazar şäherçe çagalar, ýetginjekler we döredijilik öýünde Çagalary goramagyň halkara güni mynasybetli «Berkarar ýurduň bagtly nesli biz» atly şygar astynda döredijilik öýüne gatnaýan uly ýaşly gurnakçy okuwçylaryň gatnaşmaklarynda ýurdumyzda gurulan ajaýyp binalaryň şekiliniň maketini ýasamak boýunça toparlaýyn bäsleşik geçirildi.
Çagalar plastik önümlerinden dürli görnüşli maketleri ýasamak boýunça toparlaýyn bäsleşdiler. Geçirilen bäsleşikde «Bagtyýarlyk» topary 1-nji orna, «Asuda» topary 2-nji orna, «Ezberler» topary 3-nji orna mynasyp boldular. Bäsleşigiň ýeňijilerine Türkmenistanyň Magtymguly adyndaky Ýaşlar guramasynyň Balkanabat şäher Geňeşi tarapyndan ýadygärlik sowgatlary gowşuryldy.
Baýramgül HEMRAÝEWA,
Türkmenistanyň Magtymguly adyndaky
Ýaşlar guramasynyň Balkan welaýatynyň
Balkanabat şäher Geňeşiniň Hazar şäherçe
bölümçesiniň baş hünärmeni.
