Sagdynlygyň we ruhubelentligiň ýurdy bolan Türkmenistanda sport ulgamyny ösdürmek boýunça giň gerimli işler amala aşyrylýar. Ýakynda TMÝG-niň Balkan welaýatynyň Türkmenbaşy etrap Geňeşiniň etrap bilim bölümi bilen bilelikde guramagynda Berkarar döwletiň täze eýýamynyň Galkynyşy döwründe Halkara parahatçylyk we ynanyşmak ýylynda ýaşlaryň arasynda sagdyn durmuş ýörelgelerini ýaýbaňlandyrmak, hemmetaraplaýyn sazlaşykly ösen kämil nesli terbiýeläp ýetişdirmek maksady bilen, «Saglygym-begligim» ady bilen sportuň dürli görnüşleri boýunça bäsleşik geçirildi.
Çekeleşikli geçen bäsleşikde ýeňiji bolanlara Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy etrap Geňeşi tarapyndan Hormat hatlary we ýadygärlik sowgatlary gowşuryldy.
Akmuhammet NAZAROW,
Türkmenistanyň Magtymguly adyndaky
Ýaşlar guramasynyň Balkan welaýatynyň
Türkmenbaşy etrap Geňeşiniň başlygy.
