Golaýda Türkmenistanyň Magtymguly adyndaky Ýaşlar guramasynyň Balkan welaýat Geňeşi tarapyndan, «Arzuw» çagalar sagaldyş we dynç alyş merkezinde tomusky dynç alyş möwsüminde dynç alýan gyzjagazlaryň arasynda «El hünäri – il gezer» atly şygar bilen el işi boýunça bäsleşik geçirildi.
Bäsleşigiň dowamynda gyzjagazlar alaja örmek, ýüň daramak hem-de keçäň gülüniň şekilini ýasamak boýunça bäsleşdiler. Ýerine ýetirilen şertlerde gyzjagazlar özleriniň el işlerimize bolan höweslerini, ukyp-başarnyklaryny görkezdiler. Bäsleşigiň ahyrynda ýeňiji bolan gyzjagazlara TMÝG-niň Balkan welaýat Geňeşi tarapyndan ýadygärlik sowgatlary gowşuryldy.
Sähragül IŞANOWA,
TMÝG-niň Balkan welaýat Geňeşiniň
umumy bölüminiň esasy hünärmeni.
