Ýakynda Türkmenistanyň Magtymguly adyndaky Ýaşlar guramasynyň Lebap welaýatynyň Halaç etrap Geňeşi, etrabyň polisiýa müdirliginiň, etrap bilim bölüminiň hem-de Halaç etrabynyň 513-nji ýangyn howpsyzlyk bölüminiň bilelikde gurnamagynda Halaç etrabynyň 31-nji orta mekdebiniň mejlisler zalynda mekdebiň agzybir mugallymlarynyň hem-de ýokary synp okuwçylarynyň gatnaşmagynda wagyz-nesihat duşuşygy geçirildi.
Bu duşuşykda Türkmenistanyň Magtymguly adyndaky Ýaşlar guramasynyň Lebap welaýatynyň Halaç etrap Geňeşiniň baş hünärmeni Gandym Wellekow,etrabyň polisiýa bölüminiň kämillik ýaşyna ýetmedikleriň işi baradaky bölüminiň müdiri Batyr Weliýew, etrabyň 513-nji ýangyn howpsyzlyk bölüminiň müdiri içerki gulygynyň podpolkownigi Allanur Kullyýew hem-de 31-nji orta mekdebiň terbiýeçilik işleri boýunça orunbasary Orazgül Rozyýewa dagylar ýaşlaryň hemmetaraplaýyn ösen, beden we ruhy taýdan sagdyn, bilimli-ylymly bolmagyny gazanmak, ýaşlarda ata-babalarymyzyň müňýyllyklaryň dowamynda kemala getiren mertlik, edermenlik, watansöýüjilik, halallyk, ruhubelentlik, päkýüreklilik, arassa ahlaklylyk, zähmetsöýerlik ýaly häsiýetleri terbiýelemek hem-de milli mirasymyzy goramak, ýangyn howpsuzlyk düzgünlerini berjaý etmek, zyýanly endiklerden daşda durmagyny gazanmak maksady bilen geçirilen wagyz-nesihat duşuşygy ýaşlar üçin örän täsirli boldy.
Duşuşyga gatnaşanlar sözüniň soňunda bize okamaga,işlemäge,ýaşamaga ähli mümkinçilikleri döredip beren, Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, alyp barýan döwlet ähmiýetli işleriniň rowaçlyklara beslenmegini arzuw etdiler.
Şirinaý ÖWLÝAGULYÝEWA,
Magtymguly adyndaky Ýaşlar guramasynyň
Lebap welaýatynyň Halaç etrap Geňeşiniň
sanly ulgam boýunça esasy hünärmeni.
