Ýakynda, Lebap welaýatynyň Hojambaz etrabynyň 23-nji orta mekdebinde Türkmenistanyň Magtymguly adyndaky Ýaşlar guramasynyň Lebap welaýatynyň Hojambaz etrap Geňeşi hem-de bilim bölüminiň bilelikde guramagynda okuwçy ýaşlarynyň arasynda «Sport kämillige badalga» atly sportuň küşt görnüşi boýunça bäsleşik geçirildi.Geçirilen bäsleşikde ýaşlar öz ukyp-başarnyklaryny görkezdiler. Gyzgalaňly ýagdaýda geçen bäsleşigiň ahyrynda ýeňiji bolan okuwçylara Türkmenistanyň Magtymguly adyndaky Ýaşlar guramasynyň Lebap welaýatynyň Hojambaz etrap Geňeşi tarapyndan sowgatlar hem-de Hormat hatlary gowşuryldy.
Bäsleşigiň ahyrynda oňa gatnaşanlar Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli tutumly işleriniň rowaç bolmagyny arzuw etdiler.
Gunça HATAMOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Hojambaz etrap Geňeşiniň guramaçylyk
bölüminiň sanly ulgam boýunça esasy
hünärmeni.
