Ýakynda, Lebap welaýatynyň «Bagtyýarlyk» çagalar sagaldyş we dynç alyş merkezinde Türkmenistanyň Magtymguly adyndaky Ýaşlar guramasynyň Lebap welaýatynyň Çärjew etrap Geňeşiniň guramagynda dynç alýan çagalaryň arasynda tomus paslynyň dowam edýän günlerinde körpeleriň tomusky dynç alyş möwsümini gyzykly we täsirli geçirmekleri hem-de zyýanly endiklerden daşda durmaklaryny gazanmak maksady bilen «Zähmetsöýerlik bagtyýar we uzak ýaşamakdyr!» ady bilen wagyz-nesihat duşuşygy geçirildi.
Duşuşygyň dowamynda çykyş edenler ýaşlarda watansöýüjilik, zähmetsöýerlik ýaly duýgulary oýarmak, boş wagtlaryny ýerlikli peýdalanmaklaryny gazanmak hem-de ýaş nesillerde asylly häsiýetleri terbiýelemek dogrusynda giňişleýin belläp geçdiler. Duşuşykda edilen çykyşlar ýaşlarda Watana, il-güne bolan söýgini artdyrdy.
Duşuşygyň ahyrynda oňa gatnaşanlar hem-de ýaş nesiller döredilýän giň mümkinçilikler üçin Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Aýjan UMYTJANOWA,
Türkmenistanyň Magtymguly adyndaky
Ýaşlar Guramasynyň Lebap welaýatynyň
Çärjew etrap Geňeşiniň Guramaçylyk
bölüminiň esasy hünärmeni.
