Golaýda Türkmenistanyň Magtymguly adyndaky Ýaşlar guramasynyň Mary welaýatynyň Mary etrap Geňeşiniň hem-de etrap bilim bölüminiň bilelikde guramagynda 2-nji çagalar bakja-bagynda terbiýelenýän körpe nesilleriň gatnaşmagynda «Sport — kämillige badalga» ady bilen sportuň dürli görnüşleri boýunça ýaryş geçirildi.
Bäsleşigiň dowamynda ukyp-başarnyklaryny görkezip, işjeň gatnaşan körpelere Türkmenistanyň Magtymguly adyndaky Ýaşlar guramasynyň Mary welaýatynyň Mary etrap Geňeşi tarapyndan Hormat hatlary dabaraly ýagdaýda gowşuryldy.
Sport ýaryşynyň ahyrynda oňa gatnaşanlaryň ählisi ýurdumyzda sporty we bedenterbiýäni ösdürmäge giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Sülgün ATAÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Mary etrap Geňeşiniň Guramaçylyk bölüminiň
sanly ulgam boýunça esasy hünärmeni.