Ýakynda Änew şäherinde Türkmenistanyň Magtymguly adyndaky Ýaşlar guramasynyň Ahal welaýat Geňeşiniň hem-de welaýatyň bedenterbiýe we sport baradaky Baş müdirliginiň bilelikde guramagynda sportuň estafeta ylgawy görnüşi boýunça ýaryş geçirilip, oňa welaýatyň etraplaryndan ýaş türgenler işjeňlikde gatnaşdylar.
Ýaşlaryň sport ussatlygyny ýokarlandyrmak, güýçli toparlary ýüze çykarmak we höweslendirmek maksady bilen geçirilen ýaryş uly gyzyklanma eýe boldy. Oňa gatnaşan ýaş türgenler Ahal köçesiniň bellenen ýerinden şäherdäki sport mekdebine çenli aralygy ylgap geçmekde ukyp-başarnygyny görkezdiler.
Çekeleşikli häsiýetde geçen ýaryşda Gökdepe etrabynyň Babarap obasyndaky ýaş olimpiýadaçylary taýýarlaýan sport mekdep-internatynyň topary ýeňiji boldy. Ýaryşyň ýeňijilere TMÝG-niň Ahal welaýat Geňeşiniň ýörite sowgatlary dabaraly ýagdaýda gowşuryldy.
Güljemal ATDAÝEWA,
TMÝG-niň Ahal welaýat Geňeşiniň işgäri.
