- Soňlugynda sport ulagyna öwrülen ilkinji welosipedi 1817-nji ýylda nemes mehanigi Karl Draýz ýasapdyr. 1868-nji ýylyň 31-nji maýynda Pariž bilen Sent-Klouň aralygynda ilkinji welosiped ýaryşy geçirilipdir. Bary-ýogy 200 metr aralyga geçirilen bäsleşikde iňlis türgeni J.Mur ýeňiji bolupdyr.
- Niderlandlar ilatyň welosipedi köp ulanmagy boýunça dünýäde birinji orunda durýar. Şeýle-de, bu ýurt welosiped sürüjileriň watany hasaplanylýar. Niderlandlaryň paýtagtynda 400 kilometre çenli uzalyp gidýän ýörite welosiped ýodajyklary bar. Welosipedden peýdalanýanlaryň sany bolsa ilatyň 99,1 göterimini düzýär.
- Daniýa dünýäde welosipedi köp ulanmakda ikinji orunda barýar. 2017-nji ýyldaky hasaplamalara görä, welosiped sürüjiler üçin iň amatly şäher hökmünde köp ses gazanan Kopengagen resmi taýdan dünýäde ilkinji welosiped şäheri hasaplanylýar.
- Portugaliýa welosiped öndürmekde Ýewropa ýurtlarynyň arasynda öňdäki orunlaryň birini eýeleýär. Bu ýurtda ýylda 2,5 milliondan gowrak welosiped öndürilip, daşary ýurtlara eksport edilýär.
Taýýarlan Hakberdi NURYÝEW,
sport synçysy.
