Türkmenistanyň Magtymguly adyndaky Ýaşlar guramasynyň Lebap welaýat Geňeşi Lebap welaýat Taryhy we ülkäni öwreniş muzeýinde Ýaşlar baradaky döwlet syýasatynyň 2021-2025-nji ýyllar üçin döwlet maksatnamasynda bellenilen wezipeleri üstünlikli durmuşa geçirmek boýunça anyk çäreler, şeýle hem “Ýaşlar barada döwlet syýasaty hakynda” Türkmenistanyň Kanunynyň rejelenen görnüşini hem-de döwrüň möhüm wezipelerini nazarda tutyp “Döwletli Döwranyň Bagtyýar Ýaşlary!” ady bilen wagyz-nesihat gezelenç çäresini geçirdi. Wagyz-nesihat gezelenç çäresinde Lebap welaýat Taryhy we ülkäni öwreniş muzeýinde welaýatymyzyň dürli ugurlarynda zähmet çekýän öňdebaryjy ýaşlarynyň gatnaşmagynda gyzykly pikir alyşmalar boldy. Welaýatymyzyň dürli ugurlarynda zähmet çekýän öňdebaryjy ýaşlar welaýatymyzyň muzeýinde goýlan eksponatlar bilen tanyş boldular. Şeýle hem Türkmen halkynyň milli Lideri, Gahryman Arkadagymyzyň welaýatymyza eden taryhy iş saparlary bilen ýakyndan tanyş boldular. Şeýle hem ýaşlarymyz yhlasly okamagy, döredijilikli zähmet çekmegi hem-de ýaşlarymyzy bagtyýar hem-de eşretli ertirlere alyp barýan Gahryman Arkadagymyza, Arkadagly Serdarymyza berk jan saglygyny, beýik tutumly işleriniň hemişe rowaçlyklara beslenmegini tüýs ýürekden arzuw etdiler.
Dinara KERIMOWA,
Türkmenistanyň Magtymguly adyndaky
Ýaşlar guramasynyň Lebap welaýat Geňeşiniň
Guramaçylyk bölüminiň baş hünärmeni.
