Ýatladyp dur dag jülgesi,
Ho-ol gadymy döwürleri.
Siňipdir dag gatlaryna,
Magtymgulyň şygyrlary.
Mundan nije aşyk geçen,
Ýüregi yşkdan heserli.
Meňli gyzam bu jülgede,
Tapandyr kalba teselli.
Bu mekanda Meňli gyzyň
Kereşmesi-näzi ýatyr.
Bu ajaýyp gözellikler
Arzuwlara ganat bitir.
Güjeňleýär narlar özün,
Diýýän ýaly «Al, saýla-da!».
Köňüllere ylham çaýar,
Seýran etseň bu jülgede.
Summar jülgä seýle geliň,
Gujak açyp-garşy alar.
Keramat-keremli daglar,
Pyragyny ýada salar.
Nýazbibi ORAZOWA
