Ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Magtymguly etrap Geňeşi tarapyndan «Medeni mirasym — milli baýlygym» diýen şygar esasynda «Magtymguly Pyragy» muzeýine gezelenç guraldy.
Täsirli geçen gezelenjiň dowamynda ýaşlar milli mirasymyz bilen içgin tanyşdylar, muzeýiň gymmatlyklary barada gyzykly maglumatlary diňlediler, olaryň taryhy-medeni ähmiýeti hakynda giň düşünje aldylar. Etrapda bar bolan taryhy ýadygärlikler, muzeýler we medeni ojaklar bilen tanyşdylar. Eziz Watanymyzyň şöhratly geçmişinden söz açýan, muzeýiň baý goruna girýän dürli gymmatlyklar esasanda halyçylaryň, keşdeçileriň, zergärleriň, demirçi we agaç ussalarynyň, küýzegärleriň, suratkeşleriň sünnäläp döreden ajaýyp işleri bu ýere gelenleriň ünsüni özüne çekdi.
Muzeýe guralan bu gezelenç ýaşlarymyzda uly täsir galdyryp, olaryň şöhratly taryhymyza bolan buýsanç duýgularyny artdyrdy.
Bägül BOÝALYÝEWA,
Türkmenistanyň Magtymguly adyndaky
Ýaşlar Guramasynyň Balkan welaýatynyň
Magtymguly etrap Geňeşiniň başlygynyň w.w.ýe.ýe.
