Medeni miras her bir halkyň taryhynyň, ruhunyň we medeniýetiniň aýnasydyr. Ol diňe bir taryhy çeşme bolman, eýsem nesilleriň milli şahsyýetini, medeniýetini, däp-dessurlaryny we ýaşaýyş ýörelgelerini saklaýan baýlygyň özenidir.
Dessanlar — halkyň durmuşyny, gahrymançylyk ýoluny, arzuw-niýetlerini, taryhy wakalaryny we şahsyýetlerini beýan edýän uly göwrümli döredijilik eserleridir. Olar diňe bir edebi miras hökmünde däl, eýsem halkyň milli ruhuny, aň-düşünjesini, watançylyk duýgularyny nesilden-nesle ýetirýän beýik hazynadyr.
Türkmen halkynyň “Gorkut ata”, “Görogly”, “Şasenem-Garyp”, “Leýli-Mejnun”, “Ýusup-Ahmet” ýaly dessanlary Watana wepalylyk, gahrymançylyk, dostluk, mertlik, ynsanperwerlik gymmatlyklaryny nesilleriň kalbyna ornaşdyrýar. Türkmen dessanlarynyň birnäçesi ÝUNESKO-nyň maddy däl medeni mirasynyň sanawyna girizilip, halkara derejesinde ykrar edilmegi umumadamzat medeniýetindäki aýratyn ornuny görkezýär.
Dessanlary öwrenmek, gorap saklamak we dünýä tanatmak — halkyň medeni mirasyny baýlaşdyrmagyň, onuň buýsanjyny, ruhy baýlygyny artdyrmagyň, özboluşlylygyny wagyz etmegiň möhüm ýoludyr. Dessanlar halkymyzyň geçmişini şu güne getiren, geljegini bolsa ruhy taýdan güýçlendirýän beýik hazynadyr.
Durdy MAMEDOW,
Türkmenistanyň Magtymguly adyndaky
Ýaşlar guramasynyň Lebap welaýat
Geňeşiniň başlygy.
