ÖMÜRLERIŇ AÝDYMY — TÜRKMEN HALYSY

Paýtagtymyzdaky Türkmen haly­sy­nyň mil­li mu­ze­ýin­de Türkme­nis­ta­nyň Mag­tym­gu­ly adynda­ky Ýaş­lar gu­ra­ma­sy­nyň Mer­ke­zi Ge­ňe­şi­niň Türk­me­nis­ta­nyň Dok­ma se­na­ga­ty mi­nistr­li­gi bi­len bi­le­lik­de gu­ra­ma­gyn­da «Türk­men mil­li ha­lyçy­lyk sun­ga­ty ÝUNESKO-nyň Adamza­dyň mad­dy däl me­de­ni mi­ra­sy­nyň gör­nük­li nus­ga­la­ry­nyň sa­na­wyn­da» ady bi­len aý­dym-saz­ly da­ba­ra ge­çiril­di. Da­ba­ra­nyň ba­şyn­da ýur­du­myzyň dür­li kün­je­gin­den ge­len alymlar, ha­ly­çy ze­nan­lar, ýo­ka­ry okuw mek­dep­le­riň bag­ty­ýar ta­lyp ýaş­la­ry, mek­dep okuw­çy­la­ry, köp­çü­lik­le­ýin ha­bar be­riş se­riş­de­le­ri­niň we­kil­le­ri ha­ly önüm­le­rin­den taý­ýar­la­nan sergi­ni syn­la­dy­lar. Ser­gi­de dür­li gör­nüşdä­ki we öl­çeg­dä­ki ha­ly­la­ryň do­ka­lyş aý­ra­tyn­lyk­la­ry bi­len ta­nyş­dy­lar. Olar mu­zeý iş­gär­le­ri­ne, şeý­le-de ha­ly­çy ze­nan­la­ra öz­le­ri­ni gy­zyk­lan­dyr­ýan so­wal­la­ry ber­di­ler. Türk­men ha­lysyn­da­ky ýer­leş­di­ril­ýän göl­le­riň dö­reýiş ta­ry­hy ba­ra­da­ky ro­wa­ýat­lar hasda uly tä­sir gal­dyr­dy.

Türk­me­nis­ta­nyň Dok­ma se­na­gaty mi­nistr­li­gi­niň Aş­ga­bat şä­he­rindä­ki mehanika-tehnologiki or­ta hünär okuw mek­de­bi­niň aý­dym-saz to­pa­ry­nyň bag­ty­ýar­lyk döw­rü­mi­zi, türk­men ha­ly­sy­ny we ha­ly­çy gelin-gyz­la­ry­my­zy wasp edip ýe­ri­ne ýe­ti­ren aý­dym­dyr saz­la­ry da­ba­ra­nyň şow­hu­ny­ny art­dyr­dy. Türk­men halyçylyk sungaty­nyň ÝUNESKO-nyň Adam­za­dyň mad­dy däl me­de­ni mi­rasy­nyň sa­na­wy­na gir­izilme­gi my­na­sybet­li ge­çi­ri­len aý­dym-saz­ly da­ba­ra­nyň ahy­ryn­da mil­li mi­ra­sy­my­zy di­kel­den, hal­ky­my­zy eş­ret­li za­ma­na ýe­ti­ren Gah­ry­man Ar­ka­da­gy­my­zyň ja­ny­nyň sag, öm­rü­niň uzak, alyp ba­ran il-ýurt bäh­bit­li iş­le­ri­niň el­my­da­ma ro­waç­lykla­ra bes­len­me­gi­ni ar­zuw et­di­ler.

Bägül BEKÇIÝEWA,

Türkmenistanyň Magtymguly adyndaky Ýaşlar guramasynyň Merkezi Geňeşiniň esasy hünärmeni.

“Nesil” gazeti,

16.01.2020ý.