Türkmenistanyň Magtymguly adyndaky Ýaşlar guramasynyň Merkezi Geňeşiniň Türkmenistanyň Bilim ministrligi bilen bilelikde Milli bahar baýramy mynasybetli ýurdumyzyň umumy bilim berýän mekdepleriniň 2-4-nji synplarynda okaýan okuwçy gyzlarynyň arasynda geçirýän “Iň eýjejik gyzjagaz – 2023” atly şadyýan bäsleşiginiň düzgünnamasy esasynda Türkmenistanyň Magtymguly adyndaky Ýaşlar guramasynyň Ahal welaýatynyň Sarahs etrap Geňeşiniň, etrap bilim bölüminiň bilelikde gurnamagynda Milli bahar baýramy mynasybetli etrabymyzyň 21-nji orta mekdebinde 2-4-nji synplarynda okaýan okuwçy gyzlarynyň arasynda “Iň eýjejik gyzjagaz – 2023” atly şadyýan bäsleşiginiň etrap tapgyry geçirildi. Bagtyýar döwrümizden kalby joşgunly gyzjagazlar bäsleşigiň şertlerine laýyklykda, Hormatly Prezidentimiziň baştutanlygynda Berkarar döwletimiziň täze eýýamynyň Galkynyşy döwründe alnyp barylýan tutumly işleri, eziz Watanymyzy, bagtyýar çagalygy, dost-doganlygy, sporty wasp edýän aýdym-sazly çykyşy ýerine ýetirmekde , öz milli egin eşiklerini geýip, ony şahyrana sözler bilen wasp etmekde, öz ýaş aýratynlyklaryna görä, ene-mamalarymyzdan nesilden-nesile geçip gelýän milli el işleriniň görnüşlerini ýerine ýetirmekde özara erjellik bilen bäsleşip, öz başarnyklaryny görkezdiler. Şadyýan ýerine ýetirilen çykyşlar ýaş nesliň döredijilik başarnyklaryny aýdyň ýüze çykardy hem-de gyzgyn garşylandy.
Bäsleşige gatnaşyjy çagalaryň zehinine mynasyp baha berildi. Eminleriň çykaran netijesi boýunça 1-nji orta mekdebiniň 4-nji synp okuwçysy Rahmanowa Hatyja birinji, 14-nji orta mekdebiniň 4-nji synp okuwçysy Permanowa Aýşöhle ikinji, 24-nji orta mekdebiniň 3-nji synp okuwçysy Orazsähedowa Leýli üçünji orna mynasyp boldular. Birinji we ikinji orny eýelän zehinli gyzjagazlar bäsleşigiň welaýat tapgyryna gatnaşmaga hukuk gazandylar. Oňa gatnaşan gyzjagazlaryň ählisine TMÝG-niň etrap Geňeşiniň ýörite sowgatlary hem-de hormat hatlary dabaraly gowşuryldy.
Arzygül MYRADOWA,
TMÝG-niň Ahal welaýatynyň
Sarahs etrap Geňeşiniň sanly
ulgam boýunça hünärmeni
