Ahal welaýatynyň Ak bugdaý etrabyndaky ýöriteleşdirilen 46-njy orta mekdebiň sport zalynda Türkmenistanyň Magtymguly adyndaky Ýaşlar guramasynyň etrap Geňeşiniň, «Türkmenistan» Ýaşlar bedenterbiýe-sport guramasynyň welaýat bölüminiň hem-de etrap bilim bölüminiň bilelikde guramagynda woleýbol ýaryşy geçirildi.
«Türkmenistan — ruhubelentligiň we sagdynlygyň ýurdy» atly XIV spartakiadanyň çäginde geçen woleýbol ýaryşynyň etrap tapgyryna etrapdaly orta mekdepleriniň okuwçy oglanlaryndan düzülen toparlar gatnaşdy. Çekeleşikli ýagdaýda geçen ýaryşda etrapdaky 25-nji orta mekdebiň topary birinji, 28-nji orta mekdebiň topary ikinji, 19-njy orta mekdebiň topary üçünji orna mynasyp boldy.
Orazjemal ÝOLDAŞOWA,
TMÝG-niň Ahal welaýatynyň Ak bugdaý
etrap Geňeşiniň esasy hünärmeni.
