Ýakynda TMÝG-niň Mary welaýatynyň Baýramaly etrap Geňeşiniň guramagynda etrapdaky 29-njy orta mekdebiň mugallymlarynyň we okuwçy gyzlarynyň gatnaşmagynda türkmeniň millilik, edep-ekramlylyk häsiýetlerini kemala getirmek maksady bilen «Gyz edebi – il edebi» atly wagyz-nesihat duşuşygy geçirildi.
Duşuşykda täsirli çykyşlara giň orun berlip, ýurdumyzda zenanlarymyza goýulýan sarpa, milli däp-dessurlarymyz, türkmen gelin-gyzlarymyzy bezeýän ajaýyp häsiýetler we maşgala mukaddesligi dogrusynda giňişleýin gürrüň edildi.
Duşuşygyň ahyrynda oňa gatnaşanlar milliligimizi dünýä ýaýmaga giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Hallygözel AGAMYRADOWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Baýramaly etrap Geňeşiniň sanly ulgam
boýunça esasy hünärmeni.
