Türkmenistanyň Magtymguly adyndaky Ýaşlar guramasynyň Daşoguz welaýatynyň Saparmyrat Türkmenbaşy etrap Geňeşi, etrap bilim bölümi bilen bilelikde etrabyň 13-nji orta mekdebinde Türkmenistanyň Magtymguly adyndaky Ýaşlar guramasynyň Merkezi Geňeşiniň, Türkmenistanyň Bilim ministrligi bilen bilelikde Milli bahar baýramy mynasybetli ýurdumyzyň umumybilim berýän mekdepleriniň 2-4-nji synplarynda okaýan okuwçy gyzlaryň arasynda geçirilýän “Iň eýjejik gyzjagaz-2025” atly şadyýan bäsleşigiň etrap tapgyryny geçirdi.
Bäsleşige gatnaşan eýjejik gyzjagazlar özleriniň şowhunly çykyşlarynda ukyp-başarnyklaryny erjellik bilen görkezdiler. Netijede, etrapdaky 93-nji orta mekdebiň 3-nji synp okuwçysy Geldiýewa Ogulbäbek 1-nji orna, 94-nji orta mekdebiň 2-nji synp okuwçysy Nurmätowa Şaperi 2-nji orna mynasyp boldular. Bäsleşigiň ýeňijilerine we üstünlikli çykyş eden gyzjagazlara etrap ýaşlar guramasy tarapyndan hormat hatlar we ýadygärlik sowgatlar gowşuruldy.
Ýeňişmyrat NEPESOW,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
S.Türkmenbaşy etrap Geňeşiniň bölüm müdiri.
