Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Boldumsaz etrap Geňeşi, etrabyň Gubadag şäher medeniýet merkezinde hemişelik Bitaraplygymyzyň 30 ýyllygy mynasybetli hem-de hormatly Prezidentimiziň alyp barýan içeri we daşary syýasatyny wagyz etmek maksady bilen, “Baky Bitaraplyk – parahatçylygyň senasy” atly şygar astynda “tegelek stoluň” başynda aýdym-sazly söhbetdeşlik çäresini geçirdi. Oňa etrabyň medeniýet bölüminde zähmet çekýän öňdebaryjy ýaşlar gatnaşdy.
“Tegelek stoluň” başynda çykyş edenler Berkarar döwletiň täze eýýamynyň Galkynyşy döwründe Gahryman Arkadagymyzyň hem-de hormatly Prezidentimiziň tagallalary bilen ýurdumyzyň parahatçylyk söýüjilik, dost-doganlyk ýörelgeleri esasynda alyp barýan syýasatynyň dünýä bileleşiginiň giň goldawyna mynasyp bolýandygy, şanly ýylymyzyň şygarynyň “Halkara parahatçylyk we ynanyşmak ýyly” diýlip yglan edilmeginde uly ähmiýetiň bardygy, halkymyzyň parahat, asuda, bagtyýar durmuşda ýaşaýandygy dogrusynda uly buýsanç bilen aýdyp geçdiler.
“Tegelek stoluň” başyndaky söhbetdeşlige gatnaşyjylar ýurdumyzyň ösüş ýolundaky batly gadamlary hem-de barha artýan halkara abraýy ugrunda durmuşa geçirýän ägirt uly işleri üçin Gahryman Arkadagymyzyň hem-de Arkadagly Gahryman Serdarymyzyň adyna alkyş sözlerini beýan etdiler.
Serdar GARLYÝEW,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Boldumsaz etrap Geňeşiniň bölüm müdiri.
