Ýakynda Lebap welaýatynyň Türkmenabat şäheriniň ýöriteleşdirilen 39-njy orta mekdebinde Türkmenistanyň Magtymguly adyndaky Ýaşlar guramasynyň Lebap welaýatynyň Türkmenabat şäher Geňeşiniň, Lebap welaýat Baş bilim müdirliginiň bilim bölümi bilen bilelikde guramagynda etrabyň umumybilim berýän orta mekdepleriň 10-12-nji synplarynda okaýan okuwçy oglan-gyzlarynyň arasynda «Sözi paýhas bezär – sazy-sungat» atly bäsleşik geçirildi.
Bäsleşikde I orna Türkmenabat şäheriniň 22-nji orta mekdebiniň 11-nji synp okuwçysy Ýakup Myradow, II orna Türkmenabat şäheriniň daşary ýurt diline ýöriteleşdirilen 3-nji orta mekdebiniň 12-nji synp okuwçysy Alymjan Meýmanow, III orna Türkmenabat şäheriniň 32-nji orta mekdebiniň 10-njy synp okuwçysy Begenç Hamraýew dagylar mynasyp boldular.
Bäsleşigiň ahyrynda ýeňiji bolan ýaş zehinli okuwçy oglan-gyzlarymyza Türkmenistanyň Magtymguly adyndaky Ýaşlar guramasynyň Lebap welaýatynyň Türkmenabat şäheri Geňeşi tarapyndan hormat hatlary, ýadygärlik sowgatlary gowşuryldy.
Ýusup BABAKULOW,
Türkmenistanyň Magtymguly adyndaky
Ýaşlar Guramasynyň Lebap welaýatynyň
Türkmenabat şäher Geňeşiniň başlygy.
