Golaýda Lebap welaýatynyň Bedenterbiýe we sport baradaky baş müdirliginiň maslahatlar jaýynda Bedenterbiýe we sport baradaky baş müdirliginiň Türkmenistanyň Magtymguly adyndaky ýaşlar guramasynyň Lebap welaýat Türkmenabat şäher Geňeşi bilen bilelikde guramagynda halypa tälimçileriň hem-de ýaş tälimçileriň gatnaşmagynda “Ýaşlar baradaky döwlet syýasatydyr” atly wagyz-nesihat duşuşygy geçirildi.
Duşuşykda çykyş edenler Ýaş raýatlaryň hukuk we durmuş taýdan goraglylygyny üpjün etmek, türkmen halkyna gadymdan bäri mahsus bolan ruhy-ahlak hem-de medeni gymmatlyklary dünýä ýaýmak, sagdyn durmuş ýörelgelerini wagyz etmek, ýaşlarda watansöýüjiligi, ynsanperwerligi, raýat jogapkärçiligini terbiýelemek, olaryň başlangyçlaryny goldamak we höweslendirmek milli strategiýanyň esasy ugurlarynyň hatarynda durýanlygy barada giňişleýin gürrüň berdiler.
Duşuşygyň ahyrynda halkymyzyň saglygyny goramakda, türkmen sportuny dünýä derejesinde ösdürmekde we ýaşlaryň saglygyny berkitmekde bimöçber aladalary edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza tüýs ýürekden alkyş sözlerini aýtdylar.
Begenç ÇARYÝEW,
Türkmenistanyň Magtymguly adyndaky
Ýaşlar guramasynyň Lebap welaýat
Türkmenabat şäher Geňeşiniň
guramaçylyk bölüminiň esasy hünärmeni.
