Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşiniň, etrap Zenanlar guramasy bilen bilelikde guramagynda şu ýylyň 4-8-nji awgustynda Awaza milli syýahatçylyk zolagynda Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatyndan gelip çykýan wezipeleri ýaşlaryň arasynda wagyz etmek maksady bilen «Awaza – halkara hyzmatdaşlygyň merkezi» atly şygar astynda dabaraly maslahat geçirildi.
Maslahatda Görogly etrap merkezi kitaphanasynyň kitaphanaçysy Ogulboldy Öwezowa, etrabyň daşary ýurt dillerine ýöriteleşdirilen 65-nji orta mekdebiniň mugallymy Täzegül Aramedowa, TMÝG-niň Daşoguz welaýatynyň Görogly etrap Geňeşiniň bölüm müdiri Altyn Atakowa dagylar çykyş edip, olar Garaşsyzlygymyzyň 34 ýyllygynyň hem-de baky Bitaraplygymyzyň şanly 30 ýyllygynyň, Birleşen Milletler Guramasynyň esaslandyrylmagynyň 80 ýyllygynyň uly dabara beslenýän ýylynda şeýle wekilçilikli forumyň ýurdumyzda geçirilmegi wajyp ähmiýete eýe bolup durýandygyny buýsanç bilen bellediler.
Maslahatyň ahyrynda oňa gatnaşanlar ýurdumyzyň halkara abraýyny belende galdyrmakda beýik işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Begenç GARAMURADOW
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Görogly etrap Geňeşiniň başlygy.
