Adam bar – gözden gyzar, adam bar – sözden.
* * *
Adam bardyr, adamynyň nagşydyr,
Adam bardyr, haýwan ondan ýagşydyr.
* * *
Adam bir ýaşar, edebi – iki.
* * *
Adam dilinden tapar.
* * *
Adam edebinden tanalar, ýurt – tugundan.
* * *
Adam görki – akyl, söz görki – nakyl.
* * *
Adamyň hormaty özüne bagly.
* * *
Adamynyň özüne bakma, sözüne bak.
* * *
Ady güwälik, sözi dogalyk.
* * *
Ady ilde, orny törde.
* * *
Adyl däl kişiniň aýagy synyk, gözi sokur.
* * *
Agyz – bir, gulak – iki, bir sözläp, diňle iki.
* * *
Agyz bir bolsa, göwün jem bolar.
* * *
«Ah» diý, «wah» diý, öz gamyňy özüň iý.
* * *
Akmak elini işleder, akylly – kellesini.
* * *
Akyl är döwletden düşse-de, hormatdan düşmez.
* * *
Akyl et, pikir et, pisindiňe syganyna ynan, sygmadygyna ynanma.
* * *
Akylla – yşarat, akmaga – kötek.
* * *
Ajy sorag berip, süýji jogaba garaşma.
* * *
Akmagyň – dilinde, akyllynyň – elinde.
* * *
Akmagyň aty çyksa, özüni töre saýar.
* * *
Akylly işi bilen, akmak dişi bilen.
