Türkmenistanda ýaşlar baradaky döwlet syýasatynyň 2021-2025-nji ýyllar üçin Döwlet Maksatnamasyny amala aşyrmak boýunça ýerine ýetirilmeli çäreleriň meýilnamasynda beýan edilen ýaş ýazyjy-şahyrlaryň, bagşy-sazandalaryň, milli el işleri we senetçilik bilen meşgullanýan ýaşlaryň arasynda sergi we döredijilik bäsleşiklerini, festiwallaryny gurap, täze zehinleri ýüze çykarmak şeýle hem, türkmeniň milli saz guraly dutar saz guralynyň ýasalyş usullaryny, tärlerini, bu ugurdaky halk tejribesini öwrenmekden, dutarda dürli ýerine ýetirijilik ugurlaryny, däplerini ösdürmekden halk arasynda ussat sazandalaryň, bagşylaryň we senetkärleriň baý tejribesini özünde jemleýän ýaş zehinleri ýüze çykarmakda, halkymyzyň gadymy saz guraly bolan dutarda ýerine ýetirilýän halk aýdym-sazlarynyň wideo-audio ýazgylaryny we fotosuratlaryny toplamakdan, halkymyzyň baý mirasyny wagyz etmekden, dutar ussalarynyň hünär ussalygyny, döredijilik ukybyny kämilleşdirmek maksady bilen Balkan welaýat medeniýet müdirliginiň, Türkmenistanyň Magtymguly adyndaky Ýaşlar guramasynyň Balkan welaýat Geňeşi bilen bilelikde guramagynda “Dutar ýasamak senetçiligi, dutarda saz çalmak we bagşyçylyk sungaty” ady bilen döredijilik bäsleşigi geçirildi. Bäsleşigiň her ugry boýunça eminler topary tarapyndan ýeňiji yglan edilip Balkan welaýat medeniýet müdirligi tarapyndan hormat hatlary we Türkmenistanyň Magtymguly adyndaky Ýaşlar guramasynyň Balkan welaýat Geňeşi tarapyndan gymmat bahaly sowgatlary bilen sylaglandylar.
Oguljeren ÇENDIROWA,
Türkmenistanyň Magtymguly adyndaky Ýaşlar guramasynyň Balkan welaýat Geňeşiniň Guramaçylyk bölüminiň baş hünärmeni.
