Ýakynda Türkmenistanyň Jemgyýetçilik guramalarynyň merkezinde Türkmenistanyň Milli Geňeşiniň, Türkmenistanyň Bilim ministrliginiň Türkmenistanyň syýasy partiýalarynyň we jemgyýetçilik guramalarynyň bilelikde guramaklarynda “Türkmenistanyň Prezidenti Hormatly Gurbanguly Berdimuhamedow – dünýäde ykrar edilen Lider” atly aýdym-sazly dabaraly maslahat geçirildi.
Dabaraly maslahat halkymyzyň taryhy şahsyýetleriniň şu günki Gahryman Prezidentimiz bilen ýetilen beýik döwrümizi açyp görkezýän ajaýyp tarypnama bilen başlandy. Soňra dabaraly maslahat çykyşlaryň giň toplumy bilen dowam etdi. Çykyşlaryň dowamynda ýurdumyzyň belli sungat ussatlarynyň ýerine ýetirmeklerinde hormatly Prezidentimizi we ýurdumyzyň ösüşlerini wasp edýän ajaýyp aýdymlar belentden ýaňlandy.
