Türkmenistanyň Oguz han adyndaky Inžener-tehnologiýalar uniwersitetinde 2022-2023-nji okuw ýylynda bu ýokary okuw mekdebine okuwa girmäge isleg bildirýän ýaşlar üçin şu ýylyň 20-nji maýynda 15:00-da «Açyk gapylar» güni geçiriler.
«Mugallymlar gazetiniň» habar bermegine görä, «Açyk gapylar» gününe orta mekdepleriň uçurymlary, harby bölümleriň esgerleri, edara-kärhanalarda zähmet çekýän ýaşlar gatnaşyp bilerler.
«Açyk gapylar» gününde ýaşlar Türkmenistanyň Prezidentiniň ýurtda ylym-bilim ulgamyny ösdürmek baradaky özgertmeleriniň durmuşa geçirilişi, uniwersitetde taýýarlanylýan hünär ugurlary, alnyp barylýan okuw-terbiýeçilik we ylmy işler, şeýle hem talyplaryň ýokary derejede bilim alyp, kämil bakalawrlar we magistrler bolup ýetişmekleri üçin döredilen şertler bilen hem-de döwrebap ýokary tehnologiýalar, enjamlar bilen abzallaşdyrylan okuw otaglary, barlaghanalary, «oguz han» innowasion toplumy, kitaphana, sport-sagaldyş toplumy we umumyýaşaýyş jaýlary bilen tanşyp bilerler.
- Uniwersitetiň salgysy: Aşgabat şäheriniň Köşi köçesiniň 100-nji jaýy.
- Habarlaşmak üçin telefon belgileri: 39-16-12, 39-16-40.
