2022-nji ýylyň 10-njy oktýabrynda paýtagtymyzdaky Söwda-senagat edarasynda Türkmenistanyň Saglygy goraýyş we derman senagaty işgärleriniň güni mynasybetli “Saglygy goraýyş, bilim we sport Berkarar döwletiň täze eýýamynyň Galkynyşy döwründe” atly halkara sergisi, şol sanda ylmy maslahaty öz işine başlady. Ýokary guramaçylyga eýe bolan sergide ýurdumyzyň saglygy goraýyş, bilim, sport ulgamlary boýunça gazanylan ösüşler giňişleýin şöhlelendirildi.
Sergide Berkarar döwletiň täze eýýamynyň Galkynyşy döwrüni başdan geçirýän ýurdumyzda ynsan saglygy baradaky döwlet syýasatynyň ileri tutulýan ugurlary, dünýä derejesinde enjamlaşdyrylyp, ulanylmaga berlen hassahanalaryň we saglyk merkezleriň, köpsanly sagaldyş-dynç alyş öýleriniň, sport desgalaryň, şypahanalaryň, anyklaýyş-bejeriş edaralaryň gurluşygy barha ýaýbaňlandyryldy.
Hususan-da, ýurdumyzda saglygy goraýyş ulgamy boýunça ýetilen sepgitler, daşary ýurt döwletleri bilen alnyp barylýan hyzmatdaşlyk dogrusynda taýýarlanylan işler aýratyn ähmiýete eýe boldy. Şeýle serginiň geçirilmegi, bu ugurda zähmet çekýän türkmen we daşary ýurtly hünärmenlere özara pikir alyşmaga we özara tejribe paýlaşmaga uly mümkinçilik boldy.
Gözel EMINOWA,
Türkmenistanyň Daşary işler ministrliginiň
Halkara gatnaşyklary institutynyň Halkara
žurnalistikasy fakultetiniň V ýyl talyby.
