Bagtly çagalygyň ýurdy Ata Watanymyz Türkmenistanda Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde ýaşlar baradaky döwlet syýasaty üstünlikli durmuşa geçirilip, ýaş nesliň sagdyn ösüp ulalmagy, bilim almagy üçin ähli döwrebap şertler döredilýär. Çünki nurana körpelerimiz durmuşymyzyň bezegi, bagtyýar şu günimiz we nurana geljegimizdir.
Bagtyýar körpeleriň terbiýe ojagy bolan çagalar baglarynda körpeleriň terbiýelenmegi hem-de mähir-söýgi bilen gurşalmagy hem eýjejik körpeleriň beden taýdan sagdyn, watansöýüji, sowatly, ruhubelent, zähmetsöýer ýaşlar bolup ýetişmeklerine uly ýardam edýär.
Eziz körpeleriň heniz çagalar baglaryndaka meýilnamalaýyn okuw sapaklarynyň geçirilmegi, Berkarar döwletiň täze eýýamynyň Galkynyşy döwrüniň ösüş-özgerişleri bilen tanyşdyrylmagy, zähmet endikleriniň kemala gelmegi çaganyň haýsy ugra ukyplydygyny saýgarmaga mümkinçilik berýär. Ömrümiziň manysy bolan çagalaryň şadyýan gülki sesleri ajaýyp zamanamyzda elmydama ýaňlanyp dursun.
Azat MUHIÝEW,
Türkmenistanyň Magtymguly adyndaky
Ýaşlar guramasynyň Mary welaýatynyň
Baýramaly etrap Geňeşiniň Guramaçylyk
bölüminiň müdiri.
