Ýakynda Türkmenistanyň Magtymguly adyndaky Ýaşlar guramasynyň Ahal welaýatynyň Sarahs etrabynyň “Döwletabatgazçykaryş” müdirliginiň ilkinji Ýaşlar guramasynyň guramagynda müdirligiň ýygyndy toparlarynyň arasynda “Sagdynlyk we ruhubelentlik” diýen at bilen sportuň woleýbol görnüşi boýunça ýaryş geçirildi.
Ýaryşa 3 topar gatnaşyp, olardan “Türkmengaz” topary I-orna, “Döwletabatgazçykaryş” müdirliginiň “Tebigy baýlyk” topary II-orna mynasyp boldular.
Sport çäresiniň dowamynda gündelik hereketde bolmagyň, sport bilen meşgullanmagyň saglygy berkidýändigi, işe ukyplylygy ýokarlandyrýandygy, adamyň kesellere garşy göreşijilik ukybynyň artdyrýandygy aýratyn nygtaldy.
Çekeleşikli geçen ýaryşyň ahyrynda ýeňiji bolan toparlara “Döwletabatgazçykaryş” müdirliginiň ilkinji Ýaşlar guramasy tarapyndan ýadygärlik sowgatlar dabaraly ýagdaýda gowşuryldy.
Batyr NARYÝEW,
Türkmenistanyň Magtymguly adyndaky Ýaşlar guramasynyň
Ahal welaýatynyň Sarahs etrabyndaky “Döwletabatgazçykaryş”
müdirliginiň ilkinji Ýaşlar guramasynyň başlygy.
