Berkararly, bagtyýarly, Gahryman Arkadagly döwrüň gelin-gyzlaryny dünýe içre giňden bellenilýän 8-nji mart Halkara zenanlar güni bilen gyzgyn gutlaýaryn! Durmuşda, döredijilikde olara uly üstünlikleriň hemra bolmagyny arzuw edýärin! Uç-gyraksyz älemi ýylgyrtjak mährem meňizler mydama gülüp dursun!
Gahryman Arkadagymyz ajaýyp döwre ýaraşyk berýän ýaşlara garaşýandyr. Şol beýik ynamy ýaşlaryň ödejekdiklerine berk ynanýaryn.
8-nji mart baýramyňyza 8 bendi sowgat edesim gelýär.
Baglaryňda ülje bardyr,
üzüm bar,
Asmanyňda ak guwlardan düzüm bar.
Sözlärin men,
sözlemäge ýüzüm bar,
Elime alanym tarmydyr,
WATAN!
Boýlanym akar suw,
arassa howa,
Görmäýin gözüňde gussadan nowa.
Päli düzüwlere,
niýeti gowa,
Ýeňişler mydama ýarmydyr,
WATAN!
Göwnüňe meňzeýän sähralaň giňdir,
Goýnuňy gülledýän bir Beýigiňdir.
Çeşmäňe sowulýan keýikleriňdir,
Daglaryň depesi garmydyr,
WATAN!
Sen diýýändir öz goýnuňda dogulan,
Sarsyz däldir epgegiňde gowurlan.
Giňiş sähralaňdan sähel sowulan,
Selniňe,
sazagňa zarmydyr,
WATAN!
Ýadamazak ýazyň bardyr ýalkasaň,
Tutanýerli gojalaňda bar kasam.
Gerdenlek ýigitleň merdemdir hasam,
Gyzlaryň ýaňagy narmydyr,
WATAN!
Saçlarymy egne döküp ýaýnadym,
Düzleriňde çägäň ýaly ýaýradym.
Eýýam waspyn ýetiriban saýradym,
Özüň deý gül mekan barmydyr,
WATAN!
Ýurtdur bu,
beýik ýollar geçilýän,
Ýaýlalarnyň şelpeleri seçilýän.
Ile ýarar ogul-gyzyn eçilýän,
Zenanlary bilen barlydyr,
WATAN!
Güni dolup,
Aýy dogandyr törden,
Türkmeni göterip, bagtyn ýöreden.
Berkararly eşret eýýam döreden,
Arkadag Ogula baglydyr,
WATAN!
Gözel ŞAGULYÝEWA,
Türkmenistanyň Gahrymany.
“Nesil” gazeti,
06.03.2018ý.
