Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Büzmeýin etrap Geňeşiniň Aman Kekilow adyndaky mugallymçylyk mekdebi bilen bilelikde gurnamagynda ady agzalan mekdebiň foýesinde «tegelek stoluň» başynda söhbetdeşlik duşuşygy geçirildi. Söhbetdeşlige TMÝG-niň Aşgabat şäheriniň Büzmeýin etrap Geňeşiniň hünärmenleri, Büzmeýin etrap Halk maslahatynyň agzasy gatnaşyp, olar öz çykyşlarynda ýurdumyzyň baş baýramy bolan Mukaddes Garaşsyzlygymyzyň 33 ýyllyk toýunyň toýlanýan günlerinde Türkmenistanyň Halk Maslahatynyň nobatdaky mejlisine görülýän taýýarlyk işleriniň ýokary guramaçylykly alnyp barylýandygy, bu umumy milli forumynyň taryhy ähmiýeti, Arkadag «akylly» şäheriniň Koreýa Respublikasynyň Goýang şäherinde geçirilen «2024 World Smart City Expo» atly «akylly» şäherleriň halkara sergisiniň baýrak gowşuryş dabarasynda üç sany baýraga mynasyp bolandygy, şeýle hem BMG-niň Baş Assambleýasynyň «Birleşen Milletler Guramasynyň oýunlary» atly kararnamasynyň kabul edilendigi dogrusynda belläp, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan döwletli tutumlarynyň hemişe rowaçlyklara beslenmegini arzuw etdiler.
Mährijemal ATAÝEWA,
TMÝG-niň Aşgabat şäheriniň Büzmeýin etrap
Geňeşiniň Guramaçylyk bölüminiň müdiri.
