Türkmenistanyň Magtymguly adyndaky Ýaşlar guramasynyň Ahal welaýatynyň Ak bugdaý etrap Geňeşiniň, «Türkmenistan» Ýaşlar bedenterbiýe-sport guramasynyň welaýat bölüminiň hem-de etrap bilim bölüminiň bilelikde guramagynda etrapdaky ýöriteleşdirilen 46-njy orta mekdepde «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde sportuň stol üstündäki tennis görnüşi boýunça ýaryşyň etrap tapgyry geçirildi.
Ýaryşyň açylyş dabarasynda ýaş türgenlere üstünlik arzuw edildi. Ýagşy arzuwlardan soňra ýaryşa gatnaşmak üçin etrapdaky orta mekdeplerden gelen okuwçy oglan-gyzlaryň arasyndaky stol üstündäki tennis bäsleşigi badalga aldy. Çekeleşikli duşuşyklara baý bolan ýaryşyň netijesinde etrapdaky 16-njy orta mekdebiň okuwçylary toparlaýyn birinji, 1-nji orta mekdebiň topary ikinji, ýöriteleşdirilen 45-nji orta mekdebiň okuwçylary üçünji orunlary eýelediler.
Maýsa MYRADOWA,
TMÝG-niň Ahal welaýatynyň
Ak bugdaý etrap Geňeşiniň işgäri.
