Ýaňy ýakynda Balkan welaýatynyň Balkanabat şäheriniň sport toplumynda Türkmenistanyň Çempiony «Arkadag» we «Ahal» futbol klublarynyň arasynda futbol boýunça Türkmenistanyň «Naýbaşy Kubogy 2024» atly duşuşyk geçirildi.
«Arkadag» futbol klubyndan 14-nji minutda Şamämet Hydyrow birinji pökgini, 22-nji minutda Şanazar Tirkişow ikinji pökgini, 29-njy minutda bolsa ýene-de Şamämet Hydyrow üçünji pökgini garşydaş toparyň derwezesine gönükdirmegi başardylar. Duşuşygyň birinji ýarymy 3:0 hasap bilen jemlendi. Duşuşygyň ikinji ýarymy gyzganlaňly dowam edip, «Ahal» futbol klubynyň oýunçysy Yslam Annamyradow 75-nji minutda «Arkadag» toparynyň derwezesine birinji goly geçirmegi başardy.
Şonuň bilen «Arkadag» futbol kluby, futbol boýunça Türkmenistanyň Naýbaşy Kubogy ugrundaky oýunda «Ahal»-dan üstün çykdy. Duşuşyk «Arkadag» futbol klubynyň peýdasyna 3:1 hasabynda tamamlandy.
Sähragül IŞANOWA,
TMÝG-niň Balkan welaýat Geňeşiniň
Umumy bölüminiň esasy hünärmeni.
