Parahatlyk buşlaýar asmanda ak kepderi,
Altyn, zerde ýazylýar munda bagtyň depderi,
Ýüreklermiz joş urup, buýsanç gaplaýar seri,
Aýdym-saza beslenýär, sag bilen sol, çar tarap,
Arkadagly Garaşsyz Türkmenistan Bitarap.
Äleme salgy berip ynanyşmak ýoluny,
Öý-ojaklar abadan, taryp etsem ilimi,
Merjen şäher Aşgabat atyndy toý donuny,
Aýdym-saza beslenýär, sag bilen sol, çar tarap,
Arkadagly Serdarly Diýarymyz Bitarap.
Yklyma ýaň salýandyr gözel Arkadag şähri,
Aşyk gözelligine dünýä - adamzat ähli,
Rowaçlanýan eýýamdan halkymyz tapýar mähri,
Bagtyýardyr zamana, günleri bagta tarap,
Türkmenistan Watanym hemişelik Bitarap.
Oguz hanyň nesli biz - taryhymyz şöhratly,
Görogly deý edermen pederlermiz gaýratly,
Ösüş arkaly ýurdum geljege barýar batly,
Şeýle beýik döwletiň toýun tutýar çar tarap,
Arkadagly Garaşsyz Türkmenistan Bitarap.
Köpetdagyň gerşinden synlap ajaýyp çagy,
Göýä buýsanyp bakýar döwre dana Pyragy,
Rowaçlygyň taglymy ak ertirleň çyragy,
Watanym toý toýlaýar giň äleme ýaň salyp,
Arkadagly Serdarly Türkmenistan Bitarap.
Çeper NAZARGYLYJOWA,
Döwletmämmet Azady adyndaky
Türkmen milli dünýä dilleri institutynyň magistranty,
TMÝG-niň işjeň agzasy.
